Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 7372

Digər sorğular

Vətən Müharibəsi Memorial Kompleksinin konsepsiyasının təqdimatı olub

17:19  |    24 Yanvar 2021  |   E-mail  |  Çapa göndər


Vətən Müharibəsi Memorial Kompleksinin konsepsiyasının təqdimat mərasimi keçirilib.

"Report" xəbər verir ki, “İstiqlal Zirvəsi” adlanan layihənin konsepsiyasını memar Muxtar Ərturan hazırlayıb.

Novator Muxtar Ərturan deyib ki, Azərbaycanlı memar və türkiyəli mühəndislər tərəfindən qarşılıqlı dostluğun, "bir millət, iki dövlət"in rəmzi olacaq memorial abidə dünyada ilk olacaq. Bu Azərbaycan və Türkiyə mühəndislərinin birgə əməyidir. Nəinki səngərdə, döyuşdə, iqtisadi və ticari əlaqələrdə həmçinin memarlıq sahəsində də bir nümunə olaraq bu “Zəfər Muzeyi” gələcək nəsilə dostluğunun, qardaşlığın və birliyin, rəmzi kimi qalacaqdır. Bu, həm də memarlıq sahəsində iki dövlətin memarlarının və mühəndislərinin bir töhfəsidir”.

Milli atributlarımız olan aypara və səkkizguşəli ulduz şəkilində, ultramüasir, çoxmərtəbəli kompleksin iki girişi olacaq. Hilal formasında olan abidənin teleqüllənin qərb hissəsində inşası nəzərdə tutulub. Kompleksi eyni anda 350-500 nəfərin ziyarəti mümkün olacaq.

Memorialın birinci mərtəbəsinin atrium hissəsində dairəvi Turan Birliyini əks etdirən gerb Azərbaycan bayrağının üçrəngli simvolları ilə əhatə olunacaq. Bu simvolların üzərində Vətən müharibəsi şəhidlərinin adları fosfor tərkibli nano boya ilə yazılacaq. Yazılar öz növbəsində “ULTRA NEON Conspiracy Hologram” işıqları sayəsində işıqlandırılacaq. Simvolik gerbin üzərində hündürlüyü 30 metr olan “Stace Performance Hologram” silindr nəzərdə tutulur. Bu silindr daxilində ulu öndər Heydər Əliyev, prezidentlər İlham Əliyev və Rəcəb Tayyib Ərdoğanın 7D formatında holloqrafik təsvirləri onların seçmə çıxış nitqləri ilə müşayiət olunacaq və hər epizoddan sonra 7D formatında "Odlar yurdu"nun simvolunu əks etdirən, eyni zamanda şəhidlərimizin əbədi xatirəsinə holloqrafik məşəl (BİO) yanacaq.

Konsepsiyaya əsasən, memorial kompleksin tərkibində “Soyqırımı” adlanan otaqlar da olacaq. Burada 3D holoqram və dizaynlardan istifadə olunaraq 7D sinema muzeyi formatında 20 Yanvar, Xocalı faciəsinin ən dəhşətli görüntüləri son texnologiyalardan istifadə edilməklə vizual qrafika vasitəsilə nümayiş olunacaq. Ziyarətçilər bu zallara xüsusi hərəkətli horizontal eskalatorlar vasitəsilə daxil olacaq. Hərəkətli eskalatorlar üzərində olan insanlar bir dəqiqə ərzində zaldan keçərək müasir “AR” texnologiyası sayəsində Xocalı faciəsini, 20 Yanvar qətliamını canlı olaraq izləyəcəklər.

Gələcəkdə 8 Noyabr Zəfər marşı ilə hərbi zirehli texnikaların paradı üçün kompleksin landşaftının dairəvi formada olması nəzərdə tutulub.

Abidədə hündürlüyü 30 metr olmaqla dünyanın ən hündür “3D AR Vol Techno“ holoqramlı əbədi məşəlinin yerləşdirilməsi nəzərdə tutulur.

Konsepsiyada ulu öndər Heydər Əliyev irsinin öyrənilməsi Mərkəzi, Turan Birliyi Mərkəzi, Hərbi Sənaye Mərkəzi, 7D Sinema Zəfər Muzeyi, smart muzey, müstəqillik tariximizi və istiqlal tariximizi əks etdirən smart kitabxana, səsli və vizual görüntülərlə təchiz olunmuş müasir dünya tələblərini özündə əks etdirən rəqəmsal video-foto qalereyanın qurulması da nəzərdə tutulur.

"Zəfər Muzeyi” layihəsinin konsepsiyası ilə bağlı daha ətraflı məlumat almaq üçün:

+994 50 200 51 21

Sosial şəbəkələrdə paylaş





 
loading...
Aydinyol.az
Bölməyə aid digər xəbərlər
09.03.2021
Sərt karantinlə bağlı daha bir AÇIQLAMA - VİDEO
09.03.2021
Azərbaycanda bəzi hərbçilərin nəqliyyat xərclərinin ödənilməsi təklif olunur
09.03.2021
Füzulinin Gorazıllı kəndindən görüntülər - VİDEO
09.03.2021
Uşaq pulu ilə bağlı AÇIQLAMA - Pul şəklində kartla verilməlidir
09.03.2021
Bu gün Yel çərşənbəsidir